Lenin adına sovxoz azərbaycanlı milyarder Araz Ağalarovun dəstəyi ilə yaradılıb.

Axar.az xəbər verir ki, bunu BBC-yə müsahibəsində Rusiya prezidentliyinə namizəd, Lenin adına sovxozun rəhbəri Pavel Qrudinin söyləyib.

“Ağalarov bələdiyyə məktəbini təmir etməyə yardım etdi. O zaman bunun üçün 40 milyon rubl lazım idi və bu, böyük pul idi. Bundan sonra o, stadion, uşaq bağçası tikməyə yardım etdi”, – deyə o bildirib.

Qeyd edək ki, Pavel Qrudinin hazırda Kommunist Partiyasından prezidentliyə namizəddir. O, Rusiya Prezidenti Vladimir Putindən sonra prezidentliyə ən şanslı namizəd sayılır. Qrudininə əvvəllər mətbuatda çox yer verilsə də, nüfuzunun artmasından sonra onun efirə və mətbuata çıxış imkanları azaldılıb.