İranda Tehran Universitetinin tələbəsi, zəncanlı Pərisa Rəfiinin məhkəmə iclası keçirilib.

Axar.az xəbər verir ki, azərbaycanlı tələbə fəalın məhkəmə iclası hakim Əhmədzadənin sədrliyi ilə baş tutub. Müttəhimin vəkili Səid Xəlili keçirilən məhkəmə iclası ilə bağlı açıqlama yayaraq müəyyən məsələlərə aydınlıq gətirib. O, müttəhimin qanun çərçivəsindən kənara çıxmadığını, bəraət qərarının çıxarılmasının ədalətli olacağını deyib.

Qeyd edək ki, fotoqrafiya üzrə təhsil alan Pərisa Rəfii universitetdə mədəni və qanuni fəaliyyətlərlə məşğul olub. O, Tehran Universitetinin Tələbələr Şurasının üzvüdür.