2018-ci ildə vergi sahəsində qanunvericiliyin daha əhatəli və geniş şəkildə təkmilləşdirilməsi köklü dəyişikliklər kimi qiymətləndirilə bilər. Milli Məclisin noyabrın 30-da qəbul etdiyi “Azərbaycan Respublikasının Vergi Məcəlləsində dəyişiklik edilməsi haqqında” Qanuna əsasən, Vergi Məcəlləsinə 250-dən artıq dəyişiklik edilib.

Axar.az xəbər verir ki, bu sözlər Vergilər Nazirliyinin Media və kommunikasiya mərkəzinin 2018-ci ilin yekunları ilə bağlı yaydığı hesabatda əks olunub. Bildirilib ki, dəyişikliklər beş əsas istiqaməti əhatə edir:

* sahibkarlığın dəstəklənməsi;

* vergidən yayınmanın və “kölgə iqtisadiyyatı”nın miqyasının azaldılması;

* vergitutma bazasının genişləndirilməsi;

* vergi inzibatçılığının təkmilləşdirilməsi;

* vergi güzəştlərinin səmərəliliyinin yüksəldilməsi.