Bakı-Sumqayıt marşrutu üzrə işləyən avtobuslar soyuq havaların düşməsi ilə gediş haqlarını iki dəfə artırıb.

Bu barədə Axar.az-a Sumqayıtda yaşayan və daimi olaraq bu marşrutlardan istifadə edən şərnişinlər məlumat veriblər.

Şərnişinlər qeyd edir ki, Sumqayıt avtobusları adətən avtovağzaldan sərnişin toplayaraq işləmələrinə baxmayaraq, son zamanlar metronun "20 Yanvar" stansiyasına qədər gəlirlər. Bu isə sözügedən ərazidə tıxac yarannmasına səbəb olur.

Həmçinin sərnişinlər qeyd edir ki, yolunu dəyişən marşrutlar gediş haqlarını da iki dəfə qaldırıblar. Əvvəllər eyni istiqaməti 50 qəpiyə aparan marşrutlarda gediş haqqı indi 1 manata qaldırılıb. Sərnişinlərin sözlərinə görə, Bakı-Sumqayıt marşrutlarından heç biri avtovağzaldan istifadə etmir. "20 Yanvar"dan sərnişin yığaraq avtovağzala gələn marşrutlara isə minmək mümkün olmur.

Marşrutlarda süni qiymət artımını isə sərnişinlər sürücülərin soyuq havalardan istifadə edərək, özbaşınalığı kimi qiymətləndirirlər.

Məsələ ilə bağlı Nəqliyyat Nazirliyi ilə əlaqə saxlamağa çalışsaq da, zənglərimizə cavab verən olmadı.