Millət vəkili Siyavuş Novruzov xaricdə oturub söyüş və təhqirlə məşğul olanları qabaq-qabağa oturub söhbət etməyə dəvət edib.

Axar.az xəbər verir ki, Speys TV-nin “Sadə Həqiqətlər” verilişinin qonağı olan deputat bildirib ki, xaricdə oturub söyüş söyənlərin heç biri nə müstəqillik uğrunda mübarizə aparıb, nə Dağlıq Qarabağ döyüşlərində, nə də dövlət çevrilişlərinin qarşısının alınmasında iştirak ediblər:

“Ümumiyyətlə, bu şəxslər bir ağac əkməyib, bir ev tikməyib, vətən üçün bir şey etməyib və indi oturub xaricdən Azərbaycan xalqına göstəriş verirlər. Biri deyir küçələrə çıxın, biri deyir silahlanın, biri deyir çevriliş edin. Əgər belə bacarıqlı insansansa, gəl, burda qabaq-qabağa oturaq, söhbət edək. İstəyirsən silahla, istəyirsən sözlə, istəyirsən elmlə. Hansı yolu seçirsənsə, seç. Ancaq orada oturub buradakılara dərs verməyə o insanların nə mənəvi, nə ictimai, nə də siyasi haqqı çatır”.