Ana səhifə Toplum |
15:36
Axar.az bu gün vəfat edən Azərbaycanın sabiq daxili işlər naziri İsgəndər Həmidovla (1948-2020) bağlı 7 faktı təqdim edir:
1. İ.Həmidov 1988-ci ildə başlayan Azərbaycan Milli Azadlıq Hərəkatının liderlərindən olub.
2. O, rəsmi dövlət postunda bozqurd işarəsi tutan ilk türk generalı idi.
3. Həmidov 20 Yanvar faciəsindən sonra SSRİ Daxili İşlər naziri Vadim Bakatinə nazirliyin şəxsi heyəti qarşısında “Sənin əlin mənim xalqımın qanına batıb” deyərək salam verməyib.
4. O, 1992-ci ildə Ağdərədə gedən döyüşlərdə yaralanıb. Döyüş zamanı minanın partlaması nəticəsində kürəyindən qəlpə yarası alıb.
5. Sabiq nazir müsahibələrindən birində demişdi:
“Bir dəfə Əbülfəz Elçibəy məni çağırıb dedi ki, eşitmişəm, əməkdaşlarına çox kobud davranırsan. Cavab verdim ki, Əbülfəz bəy, məni qoyun Tofiq Qasımovun yerinə, deyim, “buyurun madam, əyləş ser”.
Mənim kontingentim bunu başa düşmürdü. Ona görə də bəzən sərt olurdum. Amma haqsız yerə kiminsə qəlbini qırmışamsa, üzr istəyirəm”.
6. Sabiq nazir 1995-ci ildə 1992-ci ilin avqust-oktyabr aylarında 701 məhbusu həbsdən azad etmək, “İstiqlal” qəzetinin redaktorunu və əməkdaşını döymək və 400 min ABŞ dollarını mənimsəmək ittihamları ilə 14 il müddətinə azadlıqdan məhrum edilib. 2003-cü ilin dekabrında isə əfv fərmanı ilə azadlığa buraxılıb.
7. Doğulduğu Kəlbəcər rayonu erməni hərbi birləşmələri tərəfindən işğal olunandan sonra İsgəndər Həmidov “daha heç kimə əmr verə bilmərəm, ürəyimə yatmır” deyərək nazir postundan istefa verib.
Qeyd edək ki, İsgəndər Həmidov bu gün uzun sürən xəstəlikdən sonra vəfat edib.
Tarix
2020.02.26 / 17:38
|
Müəllif
Aqşin
|