Ana səhifə Toplum |
Tibbi Ərazi Bölmələrini İdarəetmə Birliyi (TƏBİB) karantinə aparılacaqlarını zənn edib qurumun zəng xidmətlərinə müraciət etməkdən çəkinən vətəndaşlara müraciət edib.
Axar.az xəbər verir ki, bu barədə TƏBİB-in İdarə Heyətinin sədri Ramin Bayramlı bildirib.
"Bu, qaynar xətlərimizə gələn zənglər vasitəsilə bizə çatır. Vətəndaşlarımız 103 və 113 zəng xidmətinə müraciətdən çəkinirlər. Vətəndaşlar düşünürlər ki, müraciət etsək, bizi karantinə aparacaqlar. Bu, əsla belə deyil. Normal müxtəlif xəstəliyi olanlar bura zəng edə bilərlər, çünki biz paralel olaraq adi günlərdəki kimi onlara xidməti davam etdiririk.
Eyni zamanda yuxarı tənəffüs yolu simptomu olan şəxslər qaynar xəttə zəng etməlidirlər. Ona görə də müraciət etməkdən çəkinməsinlər. Vətəndaş müraciət edərsə, həkimlərimiz gedir və şübhəli hal varsa, onlardan müayinə materialı götürür. Analiz cavabı isə 1-2 gün ərzində deyilir. Əgər pozitiv çıxsa, onlar xüsusi rejimli xəstəxanalara yerləşdirilir. Əgər neqativ çıxsa, onlar tam rahat ola biləcəklər", - R.Bayramlı söyləyib.
Tarix
2020.03.29 / 01:22
|
Müəllif
Axar.az
|