Kanadanın Baş naziri Mark Karni ABŞ-la ticarət əlaqələrinin pisləşməsindən sonra Avropaya doğru böyük bir dönüş etməyə çalışır.

Axar.az xəbər verir ki, bu barədə “Voll Strit Jurnal” məlumat yayıb.

“Onun hökuməti AB-yə tam üzvlükdən daha aşağı səviyyəli olan “assosiativ üzv” statusu imkanını nəzərdən keçirir. Bu addım enerji, kritik faydalı qazıntılar, süni intellekt, müdafiə, tədqiqat və ticarət sahələrində əməkdaşlığın dərinləşdirilməsinə imkan verə bilər.

Planın məqsədi Kanada ilə Avropa arasında daha güclü iqtisadi və strateji əlaqələr qurmaqla ölkənin ABŞ-dan asılılığını azaltmaqdır.

Təkliflər arasında malların və işçilərin daha asan hərəkəti, ortaq infrastrukturun yaradılması, birgə texnologiya layihələrinin həyata keçirilməsi və müdafiə sahəsində daha sıx əməkdaşlıq da var”, - məlumatda bildirilib.