Avtobus sürücülərini infeksiya riskindən qorumaq üçün bütün avtobuslarda sərnişinlərlə sürücülər arasına şəffaf arakəsmə vurulacaq.

Bu sözləri Axar.az-a Bakı Nəqliyyat Agentliyinin mətbuat katibi Mais Ağayev bildirib.

BNA sözçüsü qeyd edib ki, taksilərdə olduğu kimi, avtobuslarda da sürücülərlə sərnişinlər arasında arakəsmə qoyulacaq:

“Bu, sürücü ilə sərnişin təmasını sıfıra endirmək üçündür. Avtobus sürücüləri risk altındadır. Gün ərzində avtobusa yüzlərlə sərnişin daxil olur. Məhz bunu nəzərə alaraq belə bir tapşırıq verilib və artıq tətbiqinə başlanılıb”.

Qeyd edək ki, artıq taksilərdə sərnişinlərə arxa oturacaqda oturmaq xahiş edilir və arxa oturacaqlarla ön oturacaqlar arasında arakəsmələr quraşdırılır.