"Eyvandanoxu" layihəsi çərçivəsində Göyçayda konsert proqramı keçirilib.

Axar.az-ın bölgə müxbiri xəbər verir ki, "Koronavirus" pandemiyasına qarşı mübarizə tədbirləri çərçivəsində Nazirlər Kabineti yanında Operativ Qərargah tərəfindən ölkə ərazisində xüsusi karantin rejiminin tətbiq edilməsi ilə əlaqədar Göyçay rayon Mədəniyyət Mərkəzinin musiqiçiləri sosial izolyasiya şəraitində olan sakinlərə eyvandan canlı konsert veriblər.

“Evdəqal”, “Evdəyarat” və “Eyvandanoxu” layihələri çərçivəsində şəhərin Heydər Əliyev prospektində yerləşən çoxmənzilli yaşayış binalarının eyvanında təşkil edilən konsert ətrafdakı binaların sakinlərinə xüsusi zövq verib.

Konsert zamanı musiqiçilər saz havalarını, bəstəkar və xalq mahnılarını canlı ifalarla təqdim ediblər.

Konsert proqramı sakinlər tərəfindən böyük maraqla qarşılanıb.

Qeyd edək ki, bu gün Balakəndə də analoji konsert keçirilib.