Ana səhifə Toplum |
Sahibkarlar və satıcılar maska taxmasalar, onların mağazalarının açılmasına imkan verilməyəcək.
Axar.az xəbər verir ki, bunu Qaynarinfo.az-a açıqlamasında "Sədərək” Ticarət Mərkəzinin mətbuat xidmətinin rəhbəri Kəmaləddin Qədim deyib. Onun sözlərinə görə, hazırda bazarda təmizlik işləri aparılır:
"Bazarda Operativ Qərargahın qoyduğu bütün qaydalara və qadağalar sahibkarların nəzərinə çatdırılacaq və əməl olunacaq. Ticarət mərkəzi açılan gün satıcılara maska paylanılacaq. Alıcılara qadağalar qoyulacaq ki, maskasız bazara girilməsin. Sahibkar və satıcılar maska taxmasalar, mağazalarının açılmasına imkan verilməyəcək”.
K.Qədim qeyd edib ki, digər qoruyucu vasitələrdən də istifadə olunacaq:
"Sosial məsafə saxlanılmalıdır. Deyilən qaydalara və tövsiyələrə əməl etməyən sahibkarlar və satıcılar haqqında tədbir görüləcək. Bazarın özündə cəza tədbirləri var”.
Qeyd edək ki, Nazirlər Kabineti yanında Operativ Qərargahın ötən gün yaydığı qərara əsasən, 31 may 2020-ci il saat 00:00-dan ölkə ərazisində iri ticarət mərkəzlərinin və molların fəaliyyəti bərpa olunacaq.
Tarix
2020.05.30 / 15:30
|
Müəllif
Axar.az
|