Gürcüstanda fəaliyyət göstərən Milli Azlıqların Monitorinqi Qrupu "Qafqazplyus" veb saytı (www.kavkazplus.com) hazırlayıb və istifadəyə verib.

Axar.az QAT Mətbuat Xidmətinə istinadən xəbər verir ki, sayt siyasət, iqtisadiyyat, cəmiyyət, elm və digər bölmələrdən ibarətdir.

Eyni zamanda saytın içərisində Qarabağ və Abxaziya münaqişələri ilə bağlı ayrıca səhifə yaradılıb. Burada əsasən gürcü dilində hər iki münaqişə ilə bağlı obyektiv informasiyalar yerləşdirilib. Münaqişələrlə bağlı məlumatlar gürcü cəmiyyətinin və mətbuatının marağına səbəb olub.

Saytın işini Elbrus Məmmədov, Sabir Mehdiyev, həmçinin digər azərbaycanlı və gürcü fəallar həyata keçirirlər. Qarabağ Azadlıq Təşkilatı onların informasiya ilə təmin olunmasına yardım edir. QAT-ın gürcü dilində hazırladığı yazılı materiallar artıq həmin saytda yerləşdirilib.

Qeyd edək ki, materiallar saytda ingilis, rus, gürcü və Azərbaycan dillərində yerləşdirilir.