Axar.az
Yuxarı

Axar.Az Logo

Maskasız, siqaretli taksi sürücülərini polis cərimələmir

Ana səhifə Toplum
12 Punto 14 Punto 16 Punto 18 Punto

Bakıda taksi xidməti göstərən sürücülərin bir çoxu maskadan istifadə etmir, bəzi hallarda isə avtomobildə, sükan arxasında siqaret də çəkirlər.

Axar.az əməkdaşı xəbər verir ki, taksi sürücüləri bu pozuntulara görə yol polisi əməkdaşlarının cərimə yazmadığını bildirirlər. Eyni zamanda, taksilərin böyük əksəriyyətində şəffaf arakəsmə olmur. Həmçinin taksi sürücüləri sərnişini ehtiyac olmadığı halda belə ön oturacaqda daşıyırlar.

Müşahidələrimiz də göstərdi ki, yol polisləri taksi sürücülərinin maska və siqaretlə bağlı tələbləri pozmasına, o cümlədən şəffaf arakəsmədən istifadə etməməsinə və sərnişinləri ön oturacaqda daşımasına laqeyd yanaşırlar.

Bakı şəhər Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Vaqif Əsədov saytımıza açıqlamasında deyib ki, sərnişinlər taksi sürücülərinin qanun pozuntuları halları ilə qarşılaşdığı zaman polisə müraciət etsə, bu istiqamətdə təsirli tədbirlər görülər:

“Taksi sürücülərinin qanun pozuntuları ilə bağlı lazımı tədbirlər görülür. Hətta ötəngünkü statistikaya əsasən, 200-ə yaxın taksi sürücüsü qanun pozuntusu üzündən cərimələnib.

Maskadan istifadə etməyən taksi sürücüsü görən vətəndaşlar dərhal bizimlə əlaqə saxlasınlar. Bəzi taksilərdə ara məsafəni qorumaq üçün şəffaf arakəsmələr də mövcud deyil. Bu tələbi yerinə yetirməyən taksi sürücüləri aşkarlandıqca inzibati tənbeh tədbirləri həyata keçirilir”.

Polkovnik bildirib ki, karantin qaydalarının qorunmasında vətəndaşların dəstəyinə ehtiyac var:

“Əgər taksi sifariş edən şəxs arakəsmənin olmadığını görərsə, dərhal bizimlə əlaqə saxlasın. Bu gün sükan arxasında oturan hər kəs qoruyucu vasitələrdən istifadə etməklə, öz sağlamlığı ilə yanaşı digər insanların sağlamlığını da qorumalıdır”.

Tarix
2021.04.13 / 10:39
Müəllif
Ayzel Fətullayeva
Şərhlər
Digər xəbərlər

Feysbuk və İnstaqramda problemlər yarandı

SOCAR UEFA ilə əməkdaşlığı dayandırdı

Bu il 382 azərbaycanlı Türkiyədə mənzil sahibi oldu

Mustafa Şəntop MM üzvlərini təbrik etdi

Mehriban Əliyevadan Qarabağla bağlı növbəti paylaşım

Azərbaycanda bu məhsullar ucuzlaşdı

Bakıda restoranda partlayış: yaralananlar var

Ölkədə neçə nəfər peyvənd olunub?

Ölkədə koronavirusa yoluxanların sayı açıqlandı

Nazir 8 ay əvvəl təyin etdiyi şöbə rəisini işdən çıxardı

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla