Akif Oruc oğlu Mustafayev koronavirusdan vəfat edib.

Axar.az xəbər verir ki, o, mayın 12-də 67 yaşında düyasını dəyişib.

Qeyd edək ki, A.Mustafayev 1954-cü ildə Gürcüstan Respublikasının Bolnisi rayonunda anadan olub.

1976-cı ildə Azərbaycan Mühəndis-İnşaat İnstitutunun Hidromeliorasiya fakültəsini bitirərək, mühəndis hidrotexnik ixtisasını alıb.

Kənd təsərrüfatı üzrə elmlər namizədi alimlik dərəcəsini 1982-ci ildə alıb.

1994-2000-ci illərdə Meliorasiya və Su Təsərrüfatı Komitəsində Elmi Layihə və Ekspertiza İdarəsinin rəis müavini, rəisi vəzifəsində işləyib.

2015-ci ildə “Tərəqqi medalı” ilə təltif olunub, 2018-ci ildə isə “Əməkdar mühəndis” fəxri adına layiq görülüb.

2019-cu ildən Azərbaycan Meliorasiya və Su Təsərrüfatı Açıq Səhmdar Cəmiyyəti sədrinin müşaviri idi.

İki övladı var.