Yuxarı

Azərbaycanlını Rusiyada öldürmək olar...

Ana səhifə Toplum
12 Punto 14 Punto 16 Punto 18 Punto

Rusiyada polis tərəfindən qətlə yetirilmiş azərbaycanlı Vəkil Abdullayevin qatili azadlığa buraxılıb. Niyə? Öldürülən azərbaycanlıdır da, ona görə? Rusiyada rus olmayanların ölümü adi haldır yoxsa?

Vəkili başından güllələyərək öldürən polis həbs olunmuşdu; ona qarşı öncə cinayət təhqiqatının dayandırılması, sonra isə onun azadlığa buraxılması nəyin ifadəsidir? - Bu, ilk növbədə, böyük Rusiyanın kiçik ürəkliliyini göstərir. Onu göstərir ki, rusun hüquq sistemində problemlər - ciddi problemlər mövcuddur. Bu, “ağılla idrak edilməsi mümkün olmayan” və də ruhsuz ölkədə siyasi ayrı-seçkilik, fobiya motivlərinin mövcudluğunu nümayiş etdirmirmi?

Vəkil Abdullayev nəyə görə saxlanmışdı? Adammı öldürmüşdü, evmi yıxmışdı, terrormu törətmişdi, ya nə? Yol qaydalarını pozmuşdu: onda cəzasını verərdilər, daha öldürmək neyçün? Polisin silah çıxartmasına nə ehtiyac varıydı? Asayişi beləmi təmin edirlər?

Bu hadisə Rusiyada digər xalqların nümayəndələrinə qarşı dözümsüzlüyün, rasizmin olduğunu göstərdi. Göstərdi ki, 1945-ci ildə bizlərin də müstəsna iştirakı ilə faşizmi məğlub edən rus yalnız SSRİ-nin varisi deyil, eyni güclə faşist Almaniyasının da varisi dərəcəsində bir ölkədir. Özündəki neofaşizm azmış kimi, Ermənistan adlı üzqarası faşizm yuvası da barındırıb, bəsləyib. Yazıqlar olsun, Tolstoyun, Dostoyevskinin ölkəsinə.

"Russia Today" telekanalının əməkdaşı, RF İctimai Palatasının üzvü, “Vahid Rusiya” partiyasından Dövlət Dumasına namizədliyini irəli sürmüş Mariya Butina kimilərinin qatil polisə dəstək verməsi (və onun azadlığa buraxılmasını tələb etməsi!) Rusiyada rasistlərin xalqın adından danışmaq yetkisi əldə etməyə yaxınlığını göstərir. Belələrinin millət vəkili olması qanuna, qanunverici orqana sayğısızlığın bariz örnəyidir.

Vəkil Abdullayev Gürcüstan vətəndaşıdır. Görəsən rəsmi Tiflis öz vətəndaşına niyə yiyə durmur? Gürcüstan bu məsələni beynəlxalq təşkilatlarda qaldırmalı deyilmi?

Rusiya vətəndaşı olan Dilqəm Quliyev Kəlbəcərdə Ermənistan silahlı qüvvələrinin xüsusi əməliyyatı ilə əsir götürülüb, işgəncələrə məruz qalınca Rusiya necə susurdusa, Gürcüstan da eləcə susacaqmı?!.

Suallar çoxdur...

Tarix
2021.06.05 / 00:01
Müəllif
Əkbər Qoşalı
Şərhlər
Digər xəbərlər

ABŞ-ın bu addımları bizi məyus edir - Hacıyev

Bakı və İrəvan sülhə yaxındır, ancaq… - Hacıyev

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla