Yazıçı, jurnalist Elçin Aslangil İsveçdə fəaliyyət göstərən Azərbaycan İsveç Federasiyasının mətbuat xidmətinin rəhbəri təyin edilib.

Bu barədə Axar.az-a Elçin Aslangil özü məlumat verib. O bildirib ki, hazırda təşkilatın rəhbəri Güney azərbaycanlı Azər xanım Fərruxidir.

Qeyd edək ki, Azərbaycan İsveç Federasiyası 1997-ci ildən fəaliyyət göstərir.

Federasiya İsveçdə yaşayan azərbaycanlılar tərəfindən yaradılan 31 təşkilatı özündə birləşdirir. AFİ öz demokratik əsasnaməsinə uyğun şəkildə hər il yeni başqan seçir. Federasiya azərbaycanlıların xaricdə fəaliyyət göstərən ən böyük təşkilatlarından biridir.

Xatırladaq ki, İsveçdə 30 mindən çox azərbaycanlı yaşayır. Federasiya o taylı-bu taylı azərbaycanlıları özündə birləşdirən təşkilatdır. Təşkilatda Arif Rəhimoğlu, Eldar Qaradağlı, Teymur Eminbəyli kimi tanınmış alimlər və diaspor fəalları fəaliyyət göstərir.