Yuxarı

Hacı Qamət MTN-nin son əməliyyatı və filmdən danışdı

Ana səhifə Toplum
12 Punto 14 Punto 16 Punto 18 Punto

Mən Məhəmməd peyğəmbər haqda filmin çəkilməsinin əleyhinəyəm. Çünki rejissorlar tarixi hadisələrin təqdimatında səhvə yol verirlər, təhrif edirlər, uydurmalar göstərirlər.

Bu sözləri Axar.az-a "Əbu-Bəkr" məscidinin imamı, sələfi lideri hacı Qamət Süleymanov deyib.

Hacı Qamət sünni alimlər tərəfindən etirazla qarşılanan iranlı rejissor Məcid Məcidinin çəkdiyi "Allahın rəsulu Məhəmməd" filmi barədə danışıb.

Onun fikrincə, peyğəmbər haqda çəkilən filmlərdə yer alan məlumatlar səhih olmur:

"Filmi çəkənlər ilk növbədə peyğəmbəri düzgün şəkildə tamaşaçıya çatdırmalıdırlar. Hər rejissor öz bildiyi şəkildə film çəkəndə o dövrün hadisələri səhv təqdim edilir.

Odur ki, sünni alimlər peyğəmbər və səhabələri haqda film çəkilməsini bəyənməyib. Bir də görürsən ki, avaranın biri peyğəmbəri vəsf edir, bütün tarixi də uydurmalarla göstərir".

Sələfi lideri peyğəmbər haqda daha əvvəl çəkilmiş və tez-tez nümayiş olunan "Çağırış" filmində də təhriflər olduğunu hesab edir:

"Məsələn, filmdə peyğəmbərin Mədinədə mahnı ilə qarşılanması nümayiş etdirilir. Bu, tamamilə uydurmadır.

Və yaxud peyğəmbərin olduğu Hira dağında hörümçəyin olması, quşun gəlib yumurtlaması uydurmalardır. Üstəlik, elmi olmayanlara bu şəkildə məlumatların çatdırılması düzgün deyil".

Hacı Qamət Milli Təhlükəsizlik Nazirliyinin son əməliyyatda həbs etdiyi İŞİD üzvlərinin adı radikallıqda hallanan Əlixan Musayevdən təlimat alması barədə iddialara da münasibət bildirib.

O, Ə.Musayevin onları Suriyaya göndərməkdə rolunun olmasından məlumatsızdır: "Ancaq bəzi adamlar var ki, onlar barəsində məlumatlar yayılanda susurlar. Bu vəziyyətdə də radikal adamlar onların adından istifadə edir. Ola bilsin ki, Əlixan Musayev də haqqında məlumatlar yayılanda ya gec münasibət bildirir, ya ümumiyyətlə danışmır deyə, bu cür xəbərlərin sayı artır.

İnsanın mövqeyi olmalıdır ki, ictimaiyyət də bundan xəbər tutsun. Açıq şəkildə mövqe olmayanda müxtəlif adamlar adını hallandırır. Ancaq mən bu barədə dəqiq heç nə deyə bilmərəm".

Tarix
2015.09.08 / 16:30
Müəllif
Emil Salamoğlu
Şərhlər
Digər xəbərlər

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla