Axar.az
Yuxarı

Axar.Az Logo

AZAL pandemiyadan sonra ilk dəfə...

Ana səhifə Toplum
12 Punto 14 Punto 16 Punto 18 Punto

Bu gün Azərbaycan Hava Yolları (AZAL) Hindistanın paytaxtı Dehlidən Bakıya pandemiyadan sonra ilk birbaşa reysini həyata keçirib.

Axar.az xəbər verir ki, Heydər Əliyev Beynəlxalq Hava Limanına enən sərnişinləri Hindistanın Bakıdakı səfirliyinin müvəqqəti işlər vəkili Vinay Kumar qarşılayıb.

V.Kumar bildirib ki, reyslər həftədə iki dəfə – çərşənbə axşamı və cümə günləri Bakıdan Dehliyə, çərşənbə və şənbə günləri isə Dehlidən Bakıya həyata keçiriləcək. Dehlinin İndira Qandi Beynəlxalq Hava Limanından Bakının Heydər Əliyev Beynəlxalq Hava Limanına uçuş təxminən 4 saat çəkir.

Bollivudun bir sıra məşhur simaları Dehlidən Bakıya ilk uçuşla gəliblər. Onlar Heydər Əliyev Beynəlxalq Hava Limanında ənənəvi Azərbaycan rəqsləri ilə qarşılanıblar. Tədbir zamanı Vinay Kumar iki ölkə arasında sıx tarixi və mədəni əlaqələrin olduğunu qeyd edərək, iki ölkə arasında birbaşa aviareyslərin iqtisadiyyat, mədəniyyət və turizm kimi müxtəlif sektorlarda ikitərəfli əməkdaşlığı daha da gücləndirəcəyini bildirib.

Səfirliyinin müvəqqəti işlər vəkili vurğulayıb ki, daha sürətli və rahat nəqliyyat əlaqəsi, eləcə də asan elektron viza prosedurlarının köməyi ilə daha çox azərbaycanlı turist Hindistanda çoxsaylı təbii-landşaft obyektləri, zəngin təbbi və milli irs, tarixi, coğrafi və mədəni müxtəlifliklər də daxil olmaqla cəlbedici turizm istiqamətlərinin geniş müxtəlifliyindən faydalana bilərlər.

2021-ci ilin yanvar-dekabr aylarında Hindistan və Azərbaycan arasında ikitərəfli ticarət dövriyyəsi 739,1 milyon ABŞ dolları təşkil edib. 2022-ci ilin yanvar-iyun ayları ərzində ticarət dövriyyəsi ötən ilin eyni dövrü ilə müqayisədə 107,7% artaraq 895,95 milyon ABŞ dolları həcmində olub. Hindistan hazırda Azərbaycan üçün dördüncü ən böyük ixrac ölkəsidir.

V.Kumar əlavə edib ki, iki ölkə arasında birbaşa aviareysin ikitərəfli ticarəti daha da inkişaf etdirməsi gözlənilir.

Tarix
2022.08.10 / 18:52
Müəllif
Axar.az
Şərhlər
Digər xəbərlər

Bakıda yaşayış binasında yanğın: 2 nəfər xəsarət aldı

Ölkədə məhsulların faktiki qiymətlərlə dəyəri açıqlandı

Ombudsmandan Füzuli və Tərtərdəki partlayışlarla bağlı çağırış

Səfirdən Azərbaycan açıqlaması: Yeni başlanğıcdır!

Hadrutda Ailə Sağlamlıq Mərkəzi fəaliyyətə başladı

Koronaya yoluxanların sayı kəskin azaldı

Laçında tibbi xidmət yenidən təşkil ediləcək

Sürücülərin nəzərinə: Bu gündən yeni qiymətlər olacaq

Qross mina partlayışında həlak olanlarla bağlı paylaşım etdi

Suraxanıda iki əl qumbarası aşkarlandı - Video

KULT
<>
Xəbər xətti
Axar.az'da reklam Bağla
Reklam
Bize yazin Bağla