Fövqəladə Hallar Nazirliyi Nəqliyyat nazirliyinin önündəki körpüyə çıxaraq, intihar etmək istəyən şəxslə bağlı məlumat yayıb.

Axar.az xəbər verir ki, Fövqəladə Hallar Nazirliyinin Böhran Vəziyyətlərində İdarəetmə Mərkəzinə Bakı şəhəri, Yasamal rayonunda 1 nəfərin intihar məqsədilə körpünün üzərinə çıxması barədə məlumat daxil olub. Dərhal Fövqəladə Hallar Nazirliyinin Xüsusi Riskli Xilasetmə Xidmətinin xilasediciləri hadisə yerinə cəlb edilib. Xilasedicilər tərəfindən vətəndaşla psixoloji söhbət aparılıb, nəticədə intihara cəhdin qarşısı alınıb.

İntihara cəhd edən şəxs aidiyyəti üzrə təhvil verilib.

Qeyd edək ki, Musavat.com intihara cəhd edən şəxsin Qarabağ veteranı, Amal-D MMC şirkətinin rəhbəri Dönməz Abutalıb oğlu Məmmədov olduğunu yazıb.