Bu gün Report İnformasiya Agentliyi 10 yaşını qeyd edir.

Axar.az xəbər verir ki, Azərbaycan, rus və ingilis dillərində fəaliyyət göstərən agentlik 10 il ərzində ölkənin ən böyük agentliklərindən birinə çevrilməyi bacarıb.

Siyasət, iqtisadiyyat, cəmiyyət, idman, mədəniyyət və digər sahələr üzrə ölkədə və dünyada baş verən ən vacib hadisələri operativ şəkildə işıqlandıran agentlik özünə geniş oxucu auditoriyası toplayıb.

Report-un Türkiyə, Rusiya, Gürcüstan, Qərbi və Şərqi Avropa üzrə müxbir postları, habelə Azərbaycan üzrə Qarabağ, Cənub, Aran, Şirvan, Qərb, Şimal, Şimal-Qərb büroları fəaliyyət göstərir.

Axar.az ailəsi olaraq Report kollektivini təbrik edir, işlərində uğurlar arzulayırıq!