Yuxarı

Xalq artisti hiddətləndi: Atdığım baltanın ölçüsü nə qədər idi?

Ana səhifə Toplum
12 Punto 14 Punto 16 Punto 18 Punto

Xalq artisti Ağadadaş Ağayevin cinayət işi üzrə məhkəmə prosesi keçirilib.

Axar.az xəbər verir ki, Binəqədi Rayon Məhkəməsində hakim Vüsal Tağıyevin sədrliyi ilə keçirilən prosesdə şahidlər ifadə verib.

Şahid qismində dindirilən "Medera Hospital”ın tibb bacısı Aynurə Paşazadə bildirib ki, insident baş verən gün səhər saatlarında işə gələrkən söyüş səsləri eşidib:

"Ağadadaş müəllimin balta atdığını gördüm. Balta Nəzakət xanıma dəydi. O, söyüş söyürdü. Nurəddin də özünü qorumaq üçün qarşılıq verirdi. Sonra Nurəddin təcili yardıma yaxınlaşdı. Ağzı və burnu qan içində idi. Həmin gün növbəni təhvil alarkən gecə saatlarında daxil olan xəstələrin siyahısını da təhvil vermişdilər. Ağadadaş Ağayevin də həmin gecə bizim hospitala müraciət etdiyini bilirdim".

Ağadadaş Ağayev hiddətlənərək şahidə bir neçə sual ünvanlayıb.

"Atdığım baltanın ölçüsü nə qədər idi? Nə rəngdə idi? Ət baltası idi?" - xalq artisti şahiddən soruşub.

Aynurə Paşazadə sözügedən baltanın xüsusiyyətlərini prosesdə sadalayıb.

Daha sonra prosesdə ifadə verən şahid Firdovsi Səfərov deyib ki, taksi fəaliyyəti ilə məşğul olur və hadisə vaxtı hospitalın qarşısında olub:

"Nurəddinin söyüş söydüyünü gördüm. Yaxınlaşıb niyə söyüş söydüyünü soruşdum. Dedi, Ağadadaş həkim istəyir. Dedim ki, ayıbdır, həkim istəyir, çağır. Mən gələndə Ağadadaş müəllim yerdəydi, yaxınlaşıb yerdən qaldırdım".

Qeyd edək ki, sözügedən məsələ ilə bağlı tərəflər barışıblar. Bu gün Ağadadaş Ağayevin "Medera Hospital”a, eləcə də hospitalın xalq artistinə qarşı qaldırdığı mülki iddiaya xitam verilib.

Lakin həm Ağadadaş Ağayevin, həm də Nurəddin Cəlilovun barəsində açılan cinayət işləri üzrə məhkəmə prosesləri davam edir.

Bu gün keçirilən iclasda məhkəmə xalq artistinin cinayət işi üzrə olan prosesi yanvarın 23-nə kimi təxirə salıb.

Xatırladaq ki, hadisə ötən ilin iyul ayında baş verib.

Ağadadaş Ağayevin mübahisə etdiyi Nurəddin Cəlilov və müğənninin atdığı baltanın dəydiyi xadimə Nəzakət Paşayeva xalq artistinin cinayət işində zərərçəkən qismində tanınıb.

Eləcə də onun mübahisə etdiyi Nurəddin Cəlilov barəsində də cinayət işi açılıb.

Ağadadaş Ağayev Cinayət Məcəlləsinin 221.3-cü (xuliqanlıq, silah qismində istifadə olunan əşyalardan istifadə etməklə törədildikdə) maddəsi ilə təqsirli bilinir.

Tarix
2025.01.16 / 17:47
Müəllif
Axar.az
Digər xəbərlər

XİN başçılarının geniş tərkibdə görüşü oldu - Foto

Bizi cəzalandırmaq niyyətlərini ortaya qoyurlar - Bayramov

XİN başçılarının üçtərəfli görüşü... - Boçorişvili

Ermənistan Konstitusiyasında bu təhdidlər hələ də var

Zaxarova təyyarə qəzasından danışdı: Lavrovun dediyi kimi...

TDT ölkələri gömrükdə bu sistemləri tətbiq edəcək

Bu layihəyə qoşulmaq istəyən yeni ölkələr var - Bayramov

Gürcüstan Bakıda yeni səfirlik binası inşa edəcək

Nə üçün bu qərar Bakının razılığı olmadan verilir? - Zaxarova

İrəvanın Zəngəzur dəhlizinə reaksiyası... - Zaxarova

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla