Sosial şəbəkələr özü ilə birlikdə qəribə bir reallıq gətirdi. Sanki kütlə şüuru sosial şəbəkələrdə hakimlik edir.

Axar.az xəbər verir ki, bu sözləri sosioloq Üzeyir Şəfiyev Axar TV-yə müsahibəsində deyib.

O, sosial şəbəkələrin insanlar üzərində ciddi mənfi təsirləri olduğunu vurğulayıb:

“Bəzən sosial şəbəkələri Kolizeylə müqayisə edirəm. Çünki burada kütlə şüuru var, qərar sanki sosial şəbəkə kütləsi tərəfindən verilir. Kütlə psixologiyasına isə xas olan cəhətlər var: irrasionallıq, impulsivlik, emosionallıq, çılğınlıq, kortəbiilik. Bu tipli hərəkətləri isə biz sosial şəbəkələrdə görürük. Sanki orada hər kəs hansısa bir informasiya ilə özünü təsdiqləmək istəyir. İnsanlar özünü aktuallaşdırmaq üçün hər yola əl atır”.

İnsanlar nə üçün sosial şəbəkələrdə özünüifadəyə, isbata ehtiyac duyurlar? Sosial platformalarda mənfi halların qarşısını almaq üçün hansı zəruri tədbirlər görülməlidir?

Daha ətraflı videoda...