Şagirdə qarşı məktəbdən kənar ərazidə fiziki təzyiqlə bağlı yayılmış görüntülər araşdırılır.

Axar.az xəbər verir ki, bu barədə Report-a Bakı Şəhəri üzrə Təhsil İdarəsindən (BŞTİ) bildirilib.

"İctimaiyyətdən araşdırma aparıldığını nəzərə alaraq, məsələyə daha həssas yanaşması, hadisə barədə rəsmi qurumların açıqlamalarına istinad edilməsi xahiş olunur. Bu kimi məsələlərin həllində uşaqların psixoloji zərər görməməsi əsas amil kimi diqqət mərkəzində saxlanılır",- məlumatda qeyd olunub.

Qeyd edək ki, sosial şəbəkələrdə 280 nömrəli məktəbin ətraf ərazisində məktəblilərin bir şagirdə qarşı zorakılığını əks etdirən görüntülər yayılıb.