Çıxışımla bağlı söyüşlər, təhqirlər yazıldı. Düşünürəm ki, müəllim nümunə göstərməyi bacarmalıdır.

Axar.az Teleqraf-a istinadla xəbər verir ki, bunu Gənc Müəllimlərin IV şəbəkələşmə Forumunda Milli Məclisin deputatı Ceyhun Məmmədov deyib.

“Müəllimlərin maaşı qalxmalıdır. Amma bu, universitetlərdə, məktəblərdə, eləcə də digər təhsil ocaqlarında eyni zamanda baş tuta bilməz. Mənim demək istədiyim odur ki, müəllimlərimiz də fəal olmalıdırlar. Sertifikasiyadan kəsilən, diplomu tanınmayan müəllimlər narazı qalır. Dövlətin həyata keçirdiyi siyasətin təbliğində müəllimlərin üzərinə böyük vəzifə düşür. Müəllim nüfuzunu qoruyaq şagirdlərinə, tələbələrinə nümunə olur. Bu gün müəllimlərimiz öz nüfuzunu qoruya bilir. Ancaq neqativ hadisələrlə də üzləşirik...” - o bildirib.

Xatırladaq ki, deputat Ceyhun Məmmədov mətbuata açıqlamasında müəllimlərin maaşını birdən-birə qaldırmağın, hamıya yüksək maaş verməyin çətin olduğunu demişdi.