“Yaşam” klinikasının laboratoriya həkimi Gülnar Mustafayeva QİÇS-lə Mübarizə Mərkəzi tərəfindən HİV xəstəsi olan pasiyentə yanlışlıqla neqativ test nəticəsi verib.

Bu barədə Axar.az-a daxil olan şikayətdə qeyd olunub.

Bildirlib ki, xəstə başqa klinikadan da “Yaşam”ın verdiyi analizlər əsasında prosedurdan keçib:

“Başqa klinikada ondan götürülən analizlər zamanı həkimlər qoruyucu vasitələrdən istifadə etməyib. Prosedur zamanı iynə həkimin əlinə batıb. Məhz bundan sonra pasiyentin HİV xəstəsi olduğu ortaya çıxıb. Üstəlik, klinikanın tibbi personalı da yoluxma riski ilə üzləşib”.

Məsələ ilə bağlı “Yaşam” klinikasından saytımıza verilən açıqlamada testlərin kart-test üsulu ilə aparıldığı və bu metodun dəqiqliyinin cəmi 50% olduğu deyilib:

“Şübhəli nəticələr olduqda pasiyentlər əlavə yoxlama üçün Respublika QİÇS-lə Mübarizə Mərkəzinə yönləndirilməlidir”.

Şikayət məktubunda isə qeyd olunub ki, klinika pasiyentə test nəticəsinin şübhəli olduğu barədə heç bir məlumat verməyib və onun HİV testinin neqativ olduğu bildirilib.

Məsələ ilə bağlı Səhiyyə Nazirliyinə sorğu ünvanlamışıq.