Fitnes məşqçisi Kamil Zeynallıya Ermənistan tərəfindən qoyulan federal axtarış aradan qaldırılıb.

Axar.az Axşam.az-a istinadla xəbər verir ki, idmançı bundan sonra xaricə gedə biləcək. Bu haqda Kamil “Tarixin bir günü” verilişində danışıb.

"Bu yaxınlarda səfirlikdən mənə zəng gəldi ki, təbrik edirik, düşmən tərəfindən qoyulan axtarış üzərindən götürülüb. Bunu dövlətimiz edib. Tək mən yox, bir neçə şəxsin üzərində olan axtarış aradan qaldırılıb", - o bildirib.

Qeyd edək ki, Moskvada hava limanında saxlanılan fitnes məşqçisi Kamil Zeynallı 7-8 saat sonra sərbəst buraxılmış və Bakıya qayıtmışdı.

Ermənistan Respublikası onu ölkənin Cinayət Məcəlləsinin 135 (İnsanlığa qarşı cinayətlər), 137 (Müharibə cinayətləri), 140 (Müharibə aparmaq üçün qadağan olunmuş üsullardan istifadə edən hərbi cinayətlər), 147 (Muzdlu cəlb etmək) və 149-cu (Təcavüz) maddələri ilə ittiham edib.