Bu gün Gəncə Dövlət Universitetinin nəznində Gəncə Dövlət Regional Kollecinin rəhbərliyi ilə müəllimlər arasında gərginlik yaşanıb. Bununla bağlı sosial şəbəkələrdə görüntülər paylaşılıb.

Axar.az-ın məlumatına görə, kollecin müəllim heyəti Teleqraf-a bildirib ki, yeni təyin olunan direktor Xoşqədəm Xudiyeva iki müəllimi işdən azad edib. Həmçinin iddia edilir ki, rəhbərliyə yaxın olan şəxslərə 150-200 manat əlavə maaş yazılır.

Gəncə Dövlət Regional Kollecindən məsələ ilə bağlı münasibət öyrənmək mümkün olmayıb.

Elm və Ali Təhsil üzrə Təhsil Agentliyindən isə bildirilib ki, məsələ ilə bağlı araşdırma aparılır.