Azərbaycan pilotları Türkiyənin Konya şəhərində keçirilən Anadolu Qartalı-2025 beynəlxalq təlimində uçuşlar həyata keçirib.

Axar.az Report-a istinadən xəbər verir ki, Azərbaycan pilotlarının uçuşu maraqla qarşılanıb.

Qeyd edək ki, təlimdə Azərbaycan və Türkiyə ilə yanaşı, ABŞ, Qətər, Macarıstan, Misir, Səudiyyə Ərəbistanı, İordaniya və NATO rəsmiləri iştirak edir.

Bundan başqa, Malaziya, Braziliya, Bolqarıstan, Mali və Nigeriya müşahidəçi qismində təlimi izləyir. Məqsəd ssenaridə, real müharibə şəraitində bütün iştirakçıların bilik, bacarıq və təcrübələrini bölüşmək və birləşmiş əməliyyatlar üçün təlim səviyyələrini artırmaqdır.