"Gülər Əhmədovanın həyatına heç bir təhlükə yoxdur".

"Axar.az" APA-ya istinadən xəbər verir ki, bunu Ədliyyə Nazirliyi Penitensiar Xidmətinin rəisi Mədət Quliyev deyib: "Bazar günü Gülər Əhmədovanın vəkili belə bir açıqlama ilə çıxış edib ki, guya qadın koloniyasına köçürülsə, onu təhlükə gözləyir. Bu məlumat yayılan kimi dərhal tapşırıq verdim və o məsələni araşdırdılar. Nəticədə məlum oldu ki, bu, həqiqətə uyğun məlumat deyil. Gülər Əhmədovanın həyatına hər hansı təhlükə yoxdur".

M.Quliyev deyib ki, Penitensiar Xidmət hər bir məhkumun həyatına zəmanət verir.