Bakıda əcnəbi turistin taksi sifarişi zamanı qeyri-adi hadisə baş verib.

Axar.az milli.az-a istinadla xəbər verir ki, sosial şəbəkələrdə yayılan görüntülərə görə, turistin sifariş verdiyi ünvana adi taksi əvəzinə lüks avtomobil - "Lamborcini" gəlib.

Gözlənilməz mənzərə ətrafdakıların da diqqətini çəkib. Turistin taksi gözləntisinin qarşısına belə bahalı avtomobillə çıxılması sosial şəbəkə istifadəçiləri arasında maraq doğurub.

Görüntülər qısa müddətdə sosial şəbəkələrdə yayılaraq müzakirə mövzusuna çevrilib. İzləyicilər "Lamborcini"nin taksi kimi gəlməsini təəccüblə qarşılayaraq hadisəyə müxtəlif reaksiyalar bildiriblər.