Axar.az
Yuxarı

Axar.Az Logo

Köhnə avtomobili olanların nəzərinə - Ekspert rəyi

Ana səhifə Avto
12 Punto 14 Punto 16 Punto 18 Punto

"Avropada dövlət köhnə avtomobillərin yenisi ilə əvəzlənməsi üçün müəyyən imkanlar yaradır".

Bunu "Axar.az"a "Avro-4" standartlarına keçidin problem və üstünlüklərini şərh edən nəqliyyat məsələləri üzrə ekspert Seymur Yunusov bildirdi.

Ekspert bildirib ki, Azərbaycanın "Avro-4" standartlarına keçməyə tam hazırdır: "Hesab edirəm ki, hətta bu müəyyən qədər gecikmiş addımdır. Tıxac və ekoloji problemlərin yaranması bunu bir daha sübut edir. Məncə biz 2004-2005-ci illərdə bu standarta keçməli idik. Bu proseslərin bazara təsirinə gəldikdə isə, avtomobillərin strukturunda dəyişiklik olacağını düşünürəm. Həm yeni avtomobillərin sayı artacaq, həm də xaricdən gələcək yeni markaların sayı çoxalacaq. Son statistikaya əsasən Azərbaycan bazarında 3 böyük markadan daha çox istifadə edilir. Bazarın 35 faizinə "Mersedes", 11 faiz BMV və təxminən 9-10 faizinə "Opel" markalı maşınlar hakimdir. Amma aprelin 1-dən sonra "Volksvagen", "Toyota", "Fiat" və "Reno"un sayında hissediləcək dərəcədə dəyişikliklər olacaq. Daxili bazarda digər ekonomik maşınlardan istifadəyə üstünlük veriləcək".

S.Yunusovun sözlərinə görə, Azərbaycan hökuməti ölkə daxilində olan və "Avro-4" standartlarına uyğun gəlməyən avtomobilləri yenisi ilə əvəz etmək üçün xüsusi təkliflər hazırlamalı, güzəştlər tətbiq etməlidir: "Dəfələrlə bu məsələnin mümkünlüyü ilə bağlı fikir bildirmişəm, yazı yazmışam. Hesab edirəm ki, bu olmalıdır və kompleks təkliflər hazırlanmalıdır. Hansı ki, bura avtomobilin alınmasından tutmuş, güzəştli kreditin verilməsi, elanların yerləşdirilməsinə qədər bütün şərtlər daxil olmalıdır. Türkiyə təcrübəsini də göstərmək olar. Qonşu ölkədə avtomobilləri kiloqramla alırdılar. Təxminən 80-ci illərə qədər yük avtomobillərini, daha sonra isə digər nəqliyyat vasitələrini alıblar. Azərbaycan da bu təcrübədən yararlana bilər. Həm də müəyyən güzəştlər tətbiq edilməsi də doğru olardı. Amma hansısa məcburiyyət olmasının tərəfdarı deyiləm. Avropada dövlət köhnə avtomobillərin yenisi ilə əvəzlənməsi üçün müəyyən imkanlar yaradır və vətəndaşlar da könüllü olaraq öz maşınlarını təhvil verirlər".

Ekspert "yol vergisi"nin müəyyən edilməsi ilə bağlı şərtlərin də dəyişdirilməsinin tərəfdarıdır: "Mən avtomobillərin texniki baxış zamanı müəyyən edilən "yol vergisi"nin motorun gücünə görə müəyyənləşdirilməsinin əleyhinəyəm. Hazırda 6 motor BMV-lər istehsal olunur ki, onların atmosferi çirkləndirməsi çox azdır və "Avro-5" standartlarına uyğundur. Hesab edirəm ki, avtomobilin atmosferə axıtdığı zəhərli qazların emissiyasına görə həmin vergi müəyyən edilməlidir. Bu halda insanlar həmin avtomobillərdən can qurtarmağa maraqlı olacaqlar".

Xatırladaq ki, aprelin 1-dən "Avro-4" standartlarına keçidlə əlaqədar 2005-ci ildən aşağı olan avtomobillər Azərbaycana buraxılmayacaq. Bu isə Gürcüstan, Almaniya, Dubay və başqa yerlərdən avtomobil gətirənlərə böyük problemlər yaradacaq. Son məlumatlara görə qanunun qüvvəyə minməsinə sayılı günlər qaldığı vaxtda Gürcüstanın Rustavi maşın bazarında canlanma müşahidə edilir. Təkcə onu demək kifayətdir ki, son iki gündə istehsal tarixi 2001-dən aşağı olan 700-ə yaxın avtomobil azərbaycanlılar tərəfindən alınıb. Bu isə son bir neçə ildə qeydə alınan ən böyük göstəricidir.

Tarix
2014.03.29 / 20:05
Müəllif
Tural İbadov
Şərhlər
Digər xəbərlər

“Tesla” 435 min avromobilini geri çağırır

DYP bu şəxslərlə bağlı sürücülərə müraciət etdi

Dövlət köhnə avtomobilləri bu qiymətə alacaq

“Vergül”ü səhv “oxuyublar”: mopedə vəsiqə lazım deyil!

Rusiyanın ilk lüks maşını: 1 milyon manata – Foto

Bakı Qran-prisində ilk dəfə sprint yarışı keçiriləcək

Sürəti 50 km/saat-dan çox olan maşınlarla bağlı qərar

Ölkədə bu avtomobillər 10 gün ərzində uçota alınacaq

Rusiyaya avtomobil ixrac edən tək ölkə

Rusiyada avtomobillərin ehtiyat hissələri bahalaşdı

KULT
<>
Xəbər xətti
Axar.az'da reklam Bağla
Reklam
Bize yazin Bağla