Feysbuk uzun müddətdir ki, üzərində işlədiyi ödənişsiz internet xidməti layihəsini tamamlayıb.

Axar.az xəbər verir ki, sözügedən xidmət 2016-cı ildən aktivləşəcək.

Feysbuk Afrika kimi rəqəmsal böhran yaşayan bölgələrdə ödənişsiz internet xidmətinin aktivləşdirilməsi layihəsini artıq hazırlayıb. Layihəyə görə, 2016-cı ildən həyata keçiriləcək bu xidmət 14 Afrika ölkəsində aktiv olacaq.

Feysbuk peyklər vasitəsilə ötürəcəyi ödənişsiz internetlə bağlı fransız şirkəti EUTELSAT-la razılığa gəlib. Fransız şirkətindən verilən açıqlamaya görə, Feysbukun təqdim edəcəyi internet, peyklər vasitəsilə birbaşa istifadəçiyə ötürüləcək.

Feysbukun köməkliyi ilə Afrikanın ən ucqar bölgələri belə internetdən istifadə etmək imkanı qazanacaq. İnternetin yayımı internet.org linki ilə dövriyəyə qoşulacaq.