Yeni məlumatlarım var, amma təəssüf ki, bunlar yaxşı xəbərlər deyil.

Axar.az xəbər verir ki, bu sözləri "Ferrari"nin keçmiş direktoru Luka di Montedzemolo Formula-1 yarışlarının əfsanəvi pilotu Mixael Şumaxerin səhhəti barədə məlumat verərkən deyib.

Şumaxerin "Ferrari" ilə işlədiyi vaxtlarda məşhur markanın direktoru olan Montedzemolo NTV idman kanalına verdiyi açıqlamada bunları bildirib:

"Yeni məlumatlarım var, amma təəssüf ki, bunlar yaxşı xəbərlər deyil. Həyat çox qəribədir. Möhtəşəm pilot idi, "Ferrari" ilə bircə dəfə, 1999-cu ildə böyük qəza keçirmişdi".

Xatırladaq ki, 2013-cü ilin dekabr ayında xizək sürərkən yıxılıb beyin zədəsi alan dünya şöhrətli pilot 2014-cü ilin sentyabrından bu yana evində müalicə alır. Məşhur pilotun yeriyə bilmədiyi və hafizəsini itirdiyi bildirilir.