10:08

Birinci Avropa Oyunları çərçivəsində gimnastika yarışlarının növbəti mərhələsinə start verilib.

Axar.az xəbər verir ki, kişilər və qadınlar arasında akrobatika, aerobika, batut gimnastikası, həmçinin bədii gimnastika üzrə təsnifat yarışları keçirilir.

Bədii gimnastikada qrup çoxnövlülüyü üzrə qaliblər bu gün müəyyən ediləcək.

11:23

Azərbaycan gimnastika yığması çoxnövçülük üzrə çıxış edib.

Uğurlu çıxış edən komandamız 16,650 xal toplamaqla 7-ci pillədə qərarlaşıb.

Yarışlar davam edir.

***

Qrup lent üzrə bədii gimnastika yarışları davam edir.

Cədvələ 17,350 xalla İspaniya və İsrail komandaları liderlik edir. Üçüncü yerdə 17,050 xalla Ukrayna komandası qərarlaşıb.

Yarışlar davam edir.

12:07

Azərbaycanın idman akrobatikası üzrə qadınlardan ibarət komandası I Avropa Oyunları çərçivəsində 27,680 xallıq nəticə ilə balans hərəkətləri üzrə final mərhələsinə çıxıb.

Axar.az xəbər verir ki, komandanı yarışlarda Nərmin Ramazanova, Lalə Hüseynova və Aynur Hüseynova təmsil edib.

Təsnifat nəticələrinə görə, azərbaycanlı idmançılar beşinci yeri tutub.