Bu gün Bakı-2015-də boks yarışları 8 çəki dərəcəsində keçiriləcək görüşlərlə davam edəcək.

Axar.az xəbər verir ki, millimiz 4 çəkidə mübarizə aparacaq.

Kişilər

56 kq çəki dərəcəsində Tayfur Əliyev yarımfinalda rus boksçu Bəxtovar Nazirovla qarşılaşacaq. Görüş saat 19:30-da başlayacaq.

75 kq çəki dərəcəsində Xaybuya Musalov 1/4 finalda belaruslu Vitali Bandarenka ilə gücünü sınayacaq. Boksçular rinqə saat 13:30-da çıxacaq.

81 kq çəki dərəcəsində Teymur Məmmədov yarımfinalda rus Pavel Silyaginlə görüşəcək. Qarşılaşma saat 20:15-də start götürəcək.

Qadınlar

60 kq çəki dərəcəsində təmsilçimiz Yana Alekseyevna 1/4 finalda rus Zinayda Dobrinina ilə döyüşəcək. Görüş saat 12:30-da başlayacaq.

Qeyd edək ki, hazırda millimizin 9 boksçusu yarımfinaldadır.

12:43

Təmsilçimiz Yana Alekseyevna 1/4 finalda rus Zinayda Dobrinina ilə görüşüb. O, rəqibinə 3-0 qalib gəlib və 10-cu bokçsumuz kimi adını yarımfinala yazdırıb.

13:47

Xaybuya Musalov 1/4 finalda belaruslu Vitali Bandarenka ilə gücünü sınayıb. O, rəqibinə 3-0 qalib gəlib və 11-ci bokçsumuz olaraq adını yarımfinala yazdırıb.

***

Yana Alekseyevna yarımfinalda irlandiyalı Katir Teylorla döyüşəcək. Görüş iyunun 26-da saat 12:45-də başlayacaq.

***

Xaybuya Musalov yarımfinalda macar Zoltan Harcsa ilə üz-üzə gələcək. Qarşılaşma iyunun 26-da saat 14:15-də start götürəcək.

19:47

56 kq çəki dərəcəsində Tayfur Əliyev yarımfinalda rus boksçu Bəxtovar Nazirova 2-1 məğlub oldu.

20:35

81 kq çəki dərəcəsində Teymur Məmmədov yarımfinalda rus Pavel Silyaginə qalib gəldi 3-0. Bununla boksçumuz finala yüksəldi.