Axar.az
Yuxarı

FİFA-dan fırıldaq: hollandlardan şok ittiham

Ana səhifə DÇ-2014
12 Punto 14 Punto 16 Punto 18 Punto

Niderland yığmasının baş məşqçisi Lui Van Qal Beynəlxalq Futbol Assosiasiyaları Federasiyasını (FİFA-nı) ittiham edib.

Lui Van Qalın fikrincə, FİFA Dünya Çempionatı oyunlarının cədvəlini yarışların ev sahibi olan Braziliya komandasının xeyrinə manipulyasiya edir. Onun komandasının Çili komandası ilə oyunu braziliyalıların oyunundan əvvəl keçiriləcək və onlar B qrupunda yerlərin necə bölüşdürüləcəyini biləcəklər.

Mütəxəssisin sözlərinə görə, Dünya birinciliyi təşkilatçılarının məqsədi 1/8 final mərhələsində Hollandiya komandası ilə Braziliya yığması arasında görüş keçirilməsinə yol verməməkdir.

Van Qal belə bir məsələyə diqqəti cəlb edib ki, ilk iki oyunu Braziliya komandası Niderland yığmasının görüşləri başlananadək keçirib (Braziliya A qrupunda, hollandlar isə – B qrupunda çıxış edirlər). Braziliyalıların Kamerun ilə keçiriləcək üçüncü oyunu çempionatın təqvimində Niderland – Çili görüşündən sonraya planlaşdırılıb.

Beləliklə, holland mütəxəssisin fikrincə, Braziliya yığması bu görüşün nəticəsinə yönlənmək (Niderland yığması isə bu imkandan məhrum olur – NEWSru.com-un qeydi) və 1/8 finalda özünə rəqib seçmək imkanı əldə edir. Bu, hollandlar və ya çilililər ola bilər.

İTAR-TASS van Qaldan belə bir sitat gətirir: "FİFA hər bir oyunda düzgün oyun prinsiplərini reklam edir və eyni zamanda belə fırıldaqlarla məşğul olur. Biz bütün diqqəti çilililərlə görüşə yönəltməyi nəzərdə tutmuşuq. Braziliya yığmasının bizdən sonra oynaması komandamıza qətiyyən təsir göstərməyəcəkdir. Mən sadəcə ümid edirəm ki, braziliyalılar öz idman borcunu layiqincə yerinə yetirir. Lakin FİFA nə üçün belə edir? Bax, məsələ budur".

Bununla belə Braziliya yığmasının baş məşqçisi Luis Felipe Skolari əmin edib ki, Kamerun yığması ilə oyunda onun komandası pley-offda özünə daha əlverişli rəqib əldə etmək üçün deyil, sırf qələbə qazanmaq üçün oynayacaq.

Skolari deyib: "Mən rəqib seçməyə çalışmıram. Komandanın qarşısında Kameruna qalib gəlmək vəzifəsi duracaqdır. Braziliyanın daha yaxşı rəqib seçəcəyini deyənlər ağılsızdırlar. Bu, nəinki komandamıza, həmçinin rəqibə hörmətsizlik əlamətidir".

AzərTac

Tarix
2014.06.23 / 20:13
Müəllif
Axar.az
Şərhlər
Digər xəbərlər

Novruz Məmmədov: "Biz xalqa arxayınıq"

DÇ-2014-ün ən gözəl qolu məlum oldu - Video

Almaniya qəhrəmanlarını belə qarşıladı – Foto

Almaniya millisinin çempionluğunun sirri açıldı

Koreyanın DÇ videosunu düşmənləri hazırlayıb - Video

Almaniya qapıçısının uğursuzluqları: Top 5 – Video

Futbol üzrə Dünya çempionu Şimali Koreyadır – Şok/Video

Braziliyada aləm qarışdı, Fələstin bayrağı qaldırıldı – Fotolar

Putin Dünya Kuboku bayrağını aldı - Foto

Almaniya dünya çempionu oldu

KULT
<>
Xəbər xətti
Axar.az'da reklam Bağla
Reklam
Bize yazin Bağla