Braziliyada keçirilən futbol üzrə XX dünya çempionatının qrup mərhələsinin son qarşılaşmaları keçirilir.

Axar.az xəbər verir ki, 1/8 finala vəsiqə qazanmaq üçün D qrupunun həlledici görüşündə Uruqvay və İtaliya millisi üz-üzə gələcək. Növbəti mərhələyə çıxmaq üçün italiyanlara heç-heçə kifayət etsə də, Uruqvay mütləq qələbə qazanmalıdır. Komandalar tarixləri ərzində 9 dəfə görüşüb. Bunların 3-də Uruqvay, 2-də İtaliya üstün olub. 4 görüş isə bərabərliklə nəticələnib.

Kosta-Rika İngiltərə matçı ingilislər üçün formal xarakter daşısa da, Mərkəzi Amerika təmsilçisinə qrup liderliyini təmin etmək üçün bərabərlik də yetəcək.

Bu gecə C qrupunda da qrup mərhələsinin III turunun matçları keçirilir. Bu qrupda Yaponiya - Kolumbiya və Yunanıstan - Kot-d’İvuar görüşləri keçiriləcək. Kolumbiyaya yaponlarla görüşdə 1 xal kifayət etsə də, Asiya təmsilçisinə mütləq qələbə lazımdır. Komandalar tarixləri ərzində 2 dəfə qarşılaşıb. Bu görüşlərdən biri bərabərliklə, digəri isə Cənubi Amerika təmsilçisinin qələbəsi ilə yekunlaşıb.

Bu qrupun digər matçı isə Yunanıstan - Kot-d’İvuar arasında keçiriləcək. Hər iki komandanın növbəti mərhələyə yüksəlmək üçün şansları var. Bu millilər 1/8 finala vəsiqə qazanmaq üçün mütləq qələbə qazanmalıdırlar.

Qeyd edək ki, bu gün və gecə yarısı keçiriləcək qarşılaşmalar Axar.az-da canlı olaraq yayımlanacaq.

"Topaz" proqramının aşağıda qeyd edilən oyunlara verdiyi əmsalları fotolarla təqdim edirik:

24 iyun

D qrupu

21:00 İtaliya - Uruqvay
Hakim: Marko Rodriges (Meksika)
Natal. "Dunas" stadionu

21:00 Kosta-Rika - İngiltərə
Hakim: Camel Haymudi (Əlcəzair)
Belo Horizonte. "Mineyran" stadionu

25 iyun

C qrupu

01:00 Yaponiya - Kolumbiya
Hakim: Pedru Proensa (Portuqaliya)
Kuyaba. "Arena Pantanal"

01:00 Yunanıstan – Kot-d’İvuar
Hakim: Karlos Vera (Ekvador)
Fortaleza. "Kastelan" stadionu