"Red" ləqəbiylə tanınan malayziyalı rəssam Hong Yi Kristiano Ronaldo, Neymar və Lionel Messinin portretlərini futbol topu ilə çəkməklə, hər kəsi təəccübləndirib.

Hong Yi əsərlərini çəkərkən adətən, kofe fincanın izləri, çiçək ləçəkləri, kosmetika və ya adi corablardan yararlanır. Lakin bu dəfə onun köməyinə 8 boya qutusu, kətan lövhə və top çatıb.

Əvvəlcə Hong Yi sarı boya ilə üzün konturlarını çəkib, daha sonra futbolçuların formalarını müəyyən etmək üçün qırmızı, yaşıl və göy rənglərdən istifadə edib, qara boya ilə isə üz cizgilərini və saçları rəngləyib.

Rəssamın çəkdiyi videoçarxda portretlərin yaradılması prosesinin necə keçdiyi göstərilib.

Buro247.az