Azərbaycan hərbçiləri Pakistanın Müstəqillik Günü ilə bağlı bu ölkədə keçirilən təntənəli mərasimdə iştirak edib.

Axar.az xəbər verir ki, hərbçilərimiz mərasim zamanı qonaqların qarşısından keçib.

Hərbçilərimizin keçidini təqdim edən pakistanlı spiker mərasimdə iştirak edən qonaqlardan ayağa qalxmalarını xahiş edib:

“Xanımlar və cənablar, zəhmət olmasa, qalib Azərbaycan Ordusunun hərbçilərini qarşılayın. Pakistana xoş gəlmisiniz! Yaşasın Pakistan-Azərbaycan qardaşlığı və birliyi! Azərbaycan Ordusu özünün uğurlu əməliyyatları və peşəkarlığı ilə bizə nümunə olub.

Azərbaycan və Türkiyə bayraqları qarşınızdan keçərkən xahiş olunur ki, ayağa qalxasınız!”

Qeyd edək ki, paradı Pakistanın siyasi və hərbi rəhbərliyi ilə yanaşı, Azərbaycan Respublikası müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev, ölkəmizin Pakistan İslam Respublikasındakı səfirliyi və hərbi attaşelik aparatının nümayəndələri, eləcə də digər rəsmi qonaqlar izləyiblər.