Avropa hakim qüvvələri Türkiyənin Avropa Birliyinə daxil olmasına icazə verməməklə böyük səhvə yol verdi.

Axar.az RİA-ya istinadən xəbər verir ki, bu açıqlama ilə İtaliyanın Xarici İşlər naziri Paulo Centiloni çıxış edib. Onun sözlərinə görə, Avropa öz səhvini görməlidir:

"Biz dünən yox, illər öncə səhv buraxmışıq. Ankaranın üzünə bağlanan qapılar onun müsbət mənada kifayət qədər inkişaf etməsinə mane oldu. Bunu təkcə Avropa yox, elə İtaliya özü də etdi.

Hazırda Avropada və Aralıq dənizi mərkəzində əsl fırtına əsir. Britaniyanın AB-dən çıxması, Türkiyədəki uğursuz hərbi çevriliş cəhdi – bütün bu problemlər hazırda böyük təhdidlər yaradır.

Lakin panikaya düşmək lazım deyil. ABŞ-la əməkdaşlıq etmək, Avropadan üz döndərməmək lazımdır".

Xatırladaq ki, 15 iyun tarixində Türkiyədə hərbi çevrilişə cəhd olub. Çevrilişi təkşil edən qiyamçılar həbs olunub.