Ana səhifə Gündəm |
Qənirə Paşayeva Böyük Britaniya və Belçika millət vəkilləri ilə Dağlıq Qarabağ münaqişəsini müzakirə edib.
Axar.az xəbər verir ki, millət vəkili Böyük Britaniya Parlamentinin üzvü Lord Norsbukla görüşdə Azərbaycanın Böyük Britaniya ilə bütün istiqamətlərdə, həm hökumətlərarası, həm də qanunvericilik orqanları arasında əməkdaşlığının daha da inkişaf etdiyini deyib.
İki ölkənin qanunvericilik orqanları arasında əməkdaşlığın inkişaf etdirilməsi istiqamətində səylərini əsirgəməyəcəyini deyən Lord Norsbuk yaxın zamanlarda Azərbaycana səfər edəcəyini açıqlayıb.
Millət vəkili Belçikada Flaman Bölgənin türk kökənli millət vəkili Gülər Turanla görüşdə Xocalı soyqırımından danışıb.
O, Azərbaycanın öz müstəqilliyini yenidən əldə etməsi illərində Ermənistanın etnik təmizləmə siyasəti apararaq 200 mindən çox azərbaycanlını öz tarixi yurdlarından - Ermənistandan zorla çıxarması, dinc azərbaycanlılara qarşı törətdikləri Xocalı, Qaradağlı, Bağanıs Ayrım soyqırımları barədə ətraflı məlumatlar verib.
Belçikada 170 mindən çox türk kökənli insanın yaşadığını vurğulayan Q.Paşayeva səsimizin daha geniş çatdırılması üçün bunun çox böyük bir potensial olduğunu bildirib.
Millət vəkili Avropa Parlamentinin Dağlıq Qarabağ münaqişəsi ilə bağlı mövqeyi haqda da ətraflı məlumat verib.
Gülər Turan isə heç vaxt Azərbaycanda olmadığını və tezliklə ölkəmizlə yaxından tanışlıqdan məmnun olacağını deyib.
Tarix
2016.07.26 / 14:36
|
Müəllif
Aygün Yusibova
|