Ukraynalı bloger Andrey Popik 1990-cı ildə Bakıda qırğın törətmiş Sovet İttifaqı qoşununun əsgərindən (adı məlum deyil-red.) müsahibə alıb.

Axar.az xəbər verir ki, o, müsahibəni Yutub kanalında yayımlayıb.

Andrey Popik: 1990-cı ildə Qara Yanvar faciəsində iştirak etmisiniz?

Sovet İttifaqı qoşununun keçmiş əsgəri: Əlbəttə ki! Mən xidmətdə idim. Bu qanunsuz, icazəsiz mitinqlər idi.

- Axı, bu, silahsız insanlar idi və sən onları öldürürdün.

- Onlar qanuni hakimiyyətin getməsini tələb edirdilər.

- Sən hansi ildən azərbaycanlıları öldürməyə başladın?

- Orada hər şey 1989-cu ildən başladı. Axı bunun nə fərqi var ki? Nə fərqi var?

- Sən niyə o, insanların qarşısına silahla çıxmışdın?

- Qanuni hakimiyyəti qorumaq üçün.

- Azərbaycanlılar müstəqillik istəyirdilər və bu, konstitusiyaya əsasən onların haqqı idi, sən isə onların qanuni azadlıq tələblərinə qarşı çıxmısan. Bu mitinqlərdə 100-dən çox sadə vətəndaş öldürülüb.

- Həmin 100 nəfər sadə vətəndaş azərbaycanlılar tərəfindən öldürülən ermənilər olub (20 Yanvarda qətlə yetirilənlər arasında bir nəfər də erməni yoxdur – red.). Radikallar isə binadan bizim hərbi şəhərciyə atəş açmağa başlamışdılar. Orda komendat saatı tətbiq olunmuşdu.

- Bakıya Sovet İttifaqının 20 min hərbi kontingenti daxil edilmişdi, düzdü?

- “Sovet qoşunlarının əsgərləri” demək tam düzgün deyil, çünki ora Krasnodar diyarından, Rostovdan partizanlar cəlb edilmişdi. Amma heç kim sadə vətəndaşı öldürməyib.

- Mənim əlimdə rəsmi bəyanat var, necə yəni sadə vətəndaşlar öldürülməyib?

- Sən əlində olanı oxuyursan, mən isə bu hadisənin birbaşa iştirakçısıyam. Bizə 15 mərtəbəli binadan odlu silahdan atəş açılmışdı (Bakıda o dövrdə 15 mərtəbəli bina yox idi – red.)

- 20 Yanvar faciəsi zamanı insanlar vəhşicəsinə öldürülüb...

- Deməli, Rusiya ərazisindən Bakıya ordu yeridildi. O zaman komendant saatı elan olundu. Səhv etmirəmsə, axşam saat 18:00-a qədər. Buna uyğun olaraq 6-dan sonra şəhərdə heç bir hərəkət olmamalı idi. Öldürmək barədə əmr verilməmişdi.

- Belə çıxır ki sizə əmr verilmədən, özünüz sadə insanları öldürmüsünüz?

- Məni provakasiyaya çəkmə. Hərbçilərə vətəndaşlara atəş açmaqla bağlı göstəriş verilməmişdi.

- Bəs bu vətəndaşları kim öldürdü? Baxın, 130-dan 170-ə qədər vətəndaş öldürülüb.

- Bu, yalandır, vəssalam.

- Axı bu rəsmi məlumatdır necə yalan ola bilər. Yalançı sənsən!

Daha ətraflı videoda: