Azərbaycan beynəlxalq axtarışda olan şəxsləri Moldova və Çinə təhvil verib.

Axar.az xəbər verir ki, bu barədə Baş Prokurorluq məlumat yayıb.

Qeyd olunub ki, Moldovanın yol hərəkəti və nəqliyyat vasitələrinin istismarı qaydalarını pozmaqda təqsirləndirilərək beynəlxalq axtarışa verdiyi 1991-ci il təvəllüdlü Özbəkistan vətəndaşı Firuz Farxodoviç Rustamov və Çinin qanunsuz sahibkarlıq fəaliyyəti ilə məşğul olmaqda təqsirləndirilərək barəsində beynəlxalq axtarış elan edilmiş 1974-cü il təvəllüdlü Xu Penqçenq 2025-ci il ərzində ölkədə müəyyənləşib, onların haqqında həbs qətimkan tədbiri seçilib.

Baş Prokurorluq Moldova və Çinin həmin şəxslərin verilməsinə dair vəsatətlərinə baxılması üçün işi Bakı Ağır Cinayətlər Məhkəməsinə göndərib. Onların barəsində müvafiq qərarlar qəbul edilib, Ədliyyə Nazirliyi Penitensiar Xidmətinin xüsusi konvoyunun müşayiəti ilə Moldova və Çinə təhvil veriliblər.