İsrail xarici işlər naziri Gideon Saar Azərbaycana səfəri çərçivəsində Milli Məclisin deputatları ilə görüşüb.

Axar.az xəbər verir ki, bu barədə nazir X hesabındakı paylaşımında yazıb.

"Milli Məclisin beynəlxalq münasibətlər və parlamentlərarası əlaqələr komitəsinin sədri Səməd Seyidov və Azərbaycan-İsrail parlamentlərarası dostluq qrupunun üzvləri ilə görüş əla keçdi. Biz İsrail və Azərbaycan arasındakı etimad, qarşılıqlı hörmət, ümumi dəyərlər və maraqlara əsaslanan dərin dostluq haqqında məhsuldar söhbət apardıq. Bu strateji tərəfdaşlığı gücləndiririk!" - deyə o vurğulayıb.

Saarın sözlərinə görə, müzakirələrdə həmçinin deputatlar Anatoli Rafailov, Rasim Musabəyov, Asim Mollazadə və Nigar Arpadarai iştirak ediblər.