Türkiyənin "Xəbərtürk" telekanalında bir proqrama qatılan təqaüddə olan kontr-admiral Semih Çətin canlı yayımı tərk edib.

Axar.az xəbər verir ki, təcrübəli hərbçinin bu addımı atmasına səbəb Mustafa Kamal Atatürkün müzakirəyə çıxarılması olub.

"Bütün Türkiyəni ayağa qaldıraraq, yıxılmış bir imperatorluğun içindən Türkiyə Cümhuriyyətini qurmağı bacaran Mustafa Kamal Atatürkü 30 avqustda müzakirəyə çıxarmaq, onu tənqid etmək mənə uyğun deyil. Mən bunu qəbul edə bilmərəm. Hər kəs istədiyi qədər danışa bilər. Bundan sonra da hər halda proqram belə də davam edəcək. Dəvətiniz üçün təşəkkür edirəm. 30 avqustun da millətimiz üçün xeyirli-uğurlu olmasını diləyirəm. Bütün millətimizin bayramını təbrik edirəm və icazənizlə proqramı tərk edirəm", - Çelik qeyd edib.