Mənim WUF-dan əsas gözləntim burada müzakirə etdiyimiz məsələlər barədə ortaq anlayış formalaşdırmaqdır. Mənzil və ya iqlim dəyişikliyi haqqında danışarkən, əgər təcrübələrimizi və öyrəndiklərimizi paylaşsaq, onda bir şəhər başqa bir şəhərin etdiyi səhvi təkrarlamaz.

Bu sözləri Axar.az-a açıqlamasında BMT-nin Məskunlaşma Proqramının koordinasiya üzrə əməkdaşı Viklif Tonqva WUF-dan gözləntiləri barədə danışarkən deyib.

“Əgər hansısa koalisiya və ya QHT yeni təşəbbüs planlaşdırırsa, onlar tərəfdaşlarından nəyin uğurlu olub, nəyin uğursuz olduğunu öyrənə bilərlər.

Təcrübələrin, öyrənilən dərslərin və edilən səhvlərin paylaşılması, məncə, bu forumun ən vacib nəticələrindən biri olmalıdır”, - o bildirib.