Mayın 15-i gecəsi Ukraynanın Ryazan şəhərinə dron hücumu zamanı 8 yaşlı azərbaycanlı qız həlak olub.

Axar.az xəbər verir ki, bu barədə Teleqram kanallarında məlumat yayılıb.

“8 yaşlı qızın atasının sözlərinə görə, partlayış baş verən gün həmin otaqda onun özü yatmalı idi, amma evə gec qayıdanda qızının artıq orada yatdığını görüb və başqa otağa keçib. Sonra isə onların evinə hücum baş verib və uşaq həlak olub”, - məlumatda deyilib.

Qeyd edək ki, Rusiyanın Kiyevə ağır zərbələri nəticəsində çoxsaylı ölü və yaralı qeydə alınmış, Ukraynada 15 may matəm günü elan olunmuşdu. Buna cavab olaraq Ukrayna Rusiyaya 15 mayda PUA-larla kütləvi hücum həyata keçirmişdi.