Azərbaycan Xarici İşlər Nazirliyi (XİN) Kvetta şəhərində qatarda törədilən terror aktı ilə əlaqədar Pakistana başsağlığı verib.

Axar.az xəbər verir ki, bu barədə XİN-in X hesabında paylaşım edilib.

"Biz Pakistanın Kvetta şəhərində qatarı hədəf alan, günahsız insanların faciəvi şəkildə həlak olması və bir çoxlarının yaralanması ilə nəticələnən mənfur terror hücumunu qətiyyətlə pisləyirik.

Qurbanların ailələrinə dərin hüznlə başsağlığı verir və bu çətin dövrdə qardaş Pakistan xalqı və hökuməti ilə həmrəyliyimizi ifadə edirik. Bu cür terror aktlarına heç cür bəraət qazandırıla bilməz", - paylaşımda bildirilib.

Qeyd edək ki, Pakistanın Kvetta şəhərində qatarın partladılması nəticəsində 24 nəfər ölüb, 50 nəfər isə yaralanıb.