14:18

Xəbər verdiyimiz kimi, azərbaycanlıların idarə etdiyi “Natra” və “Zirkon” yük gəmilərinə dron hücumu baş verib. Nəticədə 5 azərbaycanlı ölüb, 3 nəfər yaralanıb. Yaralılar Rusiyanın Yeysk şəhər xəstəxanasına yerləşdirilib.

Axar.az xəbər verir ki, Teleqram kanallarında hücumun Ukrayna ordusu təırəfindən həyata keçirildiyi bildirilir. İddia edilir ki, gəmilərə Ukraynanın işğal edilmiş Mariupol və Berdyansk limanlarında (Azov dənizi) hücum edilib.

Yük gəmilərinin Ukraynanın işğal edilmiş limanlarından hansı yükü götürdiyi və yaxud götürmək istədiyi açıqlanmır.

Ukrayna Silahlı Qüvvələrinin (USQ) Pilotsuz Sistemlər Qüvvələrinin (PSQ) komandanı, "Madyar" ləqəbli Robert Brovdi Azov dənizi akvatoriyasında gəmilərə zərbələr endirildiyini təsdiqləyib.