Bu gün Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə DTX tərəfindən saxlanılan İmişli Rayon Ağsaqqallar Şurasının keçmiş sədri Saleh Səmədovun cinayət işi üzrə məhkəmə iclası keçirilib.

Axar.az Teleqraf-a istinadən xəbər verir ki, təqsirləndirilən şəxs Saleh Səmədov ifadə verib. O özünü qismən təqsirli bildiyini deyib. Növbəti proses 1 iyula təyin olunub.

Xatırladaq ki, İmişli Rayon Ağsaqqallar Şurasının sabiq sədri Saleh Səmədov AR Cinayət Məcəlləsinin 179.3.2 və 308.1-ci maddələri ilə ittiham olunur.

Saleh Səmədov Dövlət Təhlükəsizliyi Xidməti tərəfindən həbs edilib.